غرد المهندس زياد عبس عبر صفحته الخاصة على فيسبوك ما حصل معه على متن الطائرة اثناء عودته من سفرته الى بيروت.

وقال عبس "أنا وراجع على لبنان بالطيارة، طلع قاعد حدي زلمي ختيار، جايي من ميشيغان. شوي شال من جيبتو تذكرته القديمة، وباسبور لبناني قديم وباسبور أميركاني. مواليد 1933، هاجر على ميشيغان سنة 1962، كان درس كهرباء سيارات و ما لاقى شغل بلبنان. أصحابو يلي سبقوه بالهجرة، لاقولوه شغل بميشيغان بشركة فورد. هو وعم يخبرني قصته، قللي اشتغلت 5-6 سنين عملت قرشين وقررت ارجع على لبنان."

وتابع عبس "رجع لاقى أمّو مريضة، ومش قادرين يفوتوا مشتشفى. نزّلها من الشمال ع بيروت، قعدت شهر بالمستشفى وماتت. بعدين، فوّت بنتو على المدرسة. قال ما في مدرسة منيحة قريبة عالضيعة، قام استأجر بيت ببيروت. وقللي بتعرف لبنان كل ما بدك تعمل شي ، بدك واسطة، او بدك تضطر تبرطل. رجع قرر ياخذ العيلة ويهاجر. راح فتح liquor store ب بميشيغان ،هونيك علم ولادو مجانا، بنتو هلق صارت قاضية. عم يتحكم هونيك كمان مجانا..."

واخبر الرجل المسن عبس انه اصبح في سن الـ 85 ولا يزال على قيد الحياة, وقال له "لو كنت بلبنان كنت متت على باب المستشفى." 

وعندما سأله عبس عن سبب عودته وحده الى بيروت, أجاب "هلق بعد فيني سافر ، جايي ودع الضيعة وارجع موت بميشيغان."

واردف عبس "هيي وعم تغط الطيارة...سألني " الزبالة بعدا عالطرقات؟"