فاجأت الممثلة اللبنانية كارمن لبّس جمهورها بفيديو على طريقة الكليب، أهدته إلى الفنان الراحل زياد الرحباني، حيث عرضت خلاله صوراً نادرة ورسائل بخط اليد جمعتهما في زمن مضى، لتعيد فتح صفحة عاطفية استمرت بينهما 15 عاماً.
ألقت لبّس كلمات مؤثرة عن حبّها الأول قائلة:"بتعرف بس تعيش وهم إنك سكّرت صفحة حبّك الأول، لتكتشف فجأة إنها بعدها مفتوحة بجروحاتها؟ سنين عم قول تخطّيت، بس كل الوقت عم إسأل ليه؟ آخر ليه كانت: ليه ما بدك تشوفني؟…"
وتابعت : "اشتقتلك… وعرفت إنك اشتقتلي بس ما قلتلي. قالولي بقيت تسأل عني، بس يا ريت سمعتا منك. قلتلك بغيابك فضي البلد… بس يوم رحت، حسّيت أنا فضيت، حسّيت كل شي بقي معلّق". واختتمت رسالتها بقولها: "أسئلة بلا جواب، وذكريات ما بتتمسح… كنت إهرب من سيرتك مش لأن ما بدي ياها، بس لأن بخاف حسّ إنها أحلى سيرة. كل شارع، كل زاوية، كل مطرح… بذكّرني فيك. حبّيتك، وبعدني، وبعدا كل الجمل عم تنتهي فيك".
