عجيبةٌ هي الأمثال الشعبيّة... تولد من رحم المعاناة، وتعيش أطول من الحكّام.
فيها من الحكمة ما يكفي لقيادة دولة، وفيها من السخرية ما يكشف عُري السياسة حين تتهاوى الشعارات.
فالأمثال ليست مجرّد كلماتٍ على ألسنة الناس، بل هي سجلٌّ صادقٌ لأوجاعهم، تُعرّي الزيف وتُدين الرياء.
وحين نقرأها اليوم، نجدها وكأنها كُتبت خصيصًا لبعض السياسيّين الذين ظنّوا أن الذاكرة الشعبيّة قد شاخت، وما دروا أنّها ما زالت تحفظ وجوههم بين السطور!
كثيرةٌ هي الأمثالُ الشعبيّةُ التي تنطبقُ على بعضِ السياسيّين، إذ تختزنُ وقائعَ وحالاتٍ ودلالاتٍ تُلامسُ واقعَ السّياسة وأهلَها ملامسةَ الكفِّ للكفّ.
ومن تلك الأمثالِ قولُهم:
اللي ضرب ضرب، واللي هرب هرب.
بتبزق بوجّهِن، بقولولك: عم تشتّي!
اللي بجرّب مجرّب، بكون عقلُه مخرّب.
ذنبُ الكلبِ، حطّوه بالقالب أربعين سنة، وضلّ أعوج.
بالوجه مراية، وبالقفا صرماية.
بيقتلوا القتيل، وبيمشوا بجنازتو.
فكّرنا الباشا باشا، طلع الباشا زلمة!
قالوا للحرامي: "حلوف"، قلّن: "إجا الفرج!"
إذا بدّك تخرب بلاد، ادعِ عليها بكترة الرؤسا.
أكثر من القِرد ما مسخ الله.
الرزق السايب بيعلّم الناس الحرام.
الولد ولد، ولو حكم بلد.
اللي بياكل من خبز السلطان، بيحارب بسيفو.
بيسرق الكحل من العين.
شي "تك تك"... وشي "تيعه".
بروح الشبعان، وبيجي الجوعان.
على الوعد يا كمّون.
ابن الحكومة: إذا صادقته أكلك، وإذا عاديته هلكك.
كل ديك عم زبلتو صيّاح.
اللي بياكل من زوادة غيرو، ما بيشبع.
آكلٌ وناكر.
على عينك يا تاجر.
فرخ البطّ عوام.
يلّي استحوا... ماتوا.
متل قصّة علي بابا والأربعين حرامي.
متل قصّة الراعي والديب والغنمات.
متل قصّة ليلى والذئب.
وسبحان الله!
لا تكادُ تجد مثلًا أو حكايةً فيها دجلٌ أو كذبٌ أو رياءٌ، إلّا وتنطبقُ على بعض السياسيّين — بل على معظم الفاسدين منهم!
فيا ربّ، ارحم... وأنت الأكرم.
القاضي م. جمال الحلو
