تداول مستخدمو مواقع التواصل في الأردن، رسالة تخلع القلوب كتبتها أم لابنها الذي قضى في حادثة السيول في البحر الميت، قالت فيها: "كنت خايفة عليك من البرد، حكيتلك خد معك جاكيت لتغير الجو، بس ما كنت عارفة أنه برد التلاجة وصقيعها اللي رح تنام فيه اليوم، كل النار اللي بقلبي ما رح تدفيه، تلاجة باردة، معتمة، وأنت بتخاف من العتمة كتير".

وأضافت في رسالتها المفجعة: "أنا لسه عم باستناك، السما اليوم بكت عليك كتير، بس أنا لسه ما بكيت، أنا عم باسمع الباب بيدق، وعم باسمع صوتك، وأنت بتنادي عليّ وبتقولي يما رجعت".
وواصلت: "أنا بوعدك اليوم لو رميت شنطتك بنص الدار، ودخلت ببوطك اللي كله طين علسجاد، ما رح أصرخ عليك، اليوم أنت كنت طالع تنبسط، وأنا مسامحتك لو شو ما تعمل بس خليني أشم ريحتك، وأتطلع بعيونك اللي بتوزع علدنيا كلها فرح".

ولا يزال المجتمع الأردني، يعيش على وقع الكارثة التي حلّت بطلاب مدرسة لقوا حتفهم، الخميس الماضي، خلال رحلة بالقرب من البحر الميت، بعد أن جرفتهم السيول، نتيجة انهيار سد مائي، بالإضافة إلى غزارة الأمطار التي هطلت على البلاد.

وكانت آخر حصيلة أعلنتها وزارة الصحة الأردنية، السبت، هي وفاة 21 شخصًا، غالبيتهم من الطلاب، و43 إصابة، وتم تسليم 20 جثة إلى ذويها، لكن بقيت طالبة واحدة تدعى “سارة أبو سيدو”، 13 عامًا، في عداد المفقودين.