في خطوة داعمة ومبدعة، اقدمت السيدة نهاية حمود على تقديم الدعم لابنها بعد رسوبه في الامتحانات الرسمية لشهادة البريفيه حيث اشترت له قالبا من الكاتو مزينا بعبارة “انت ناجح بنظري”.
ونشرت السيدة نهاية عبر صفحتها فيسبوك منشورا عبرت فيه عن أهمية الفشل في الحياة من أجل الوصول للنجاح وجاء في المنشور :

“انت ناجح بنظري ♥

الفشل هو الخطوة الأولى نحو النجاح وليس نهاية الطريق بل هو البداية دائمًا ..

اول شي حابه بارك لكل اللي نجحوا ومن قلبي فرحتلن

وتاني شي بدي اتشكر كل مين سألني عن ابني .. ابني ما توفق بالامتحانات وما بدي قول ابني نظلم بس بدي قول ابني درس وتعب وسهر وما قصر عمل لعليه وما توفق وسقط على علامة (يمكن هون في ظلم) .. واكيد مش نهاية الحياة بالعكس هلأ بلش .. الطريق بعد طويله ادامه ..

بتمنى من كل اهالي الولاد لسقطوا يرفعوا من معنويات ولادن بالنهاية كلنا عنا قدرات معينه .. وهياهن لمعن شهادات الن سنين معلقينن بالبيت عالحيط وما عم يلاقوا اي وظيفه .. والحياة ماشيه ما بتوقف بمحل .. اكيد انا بدعم ابني وبقويه وبعرف انو ابني قادر ينحج وبتقدير انشالله الله بعوض عليه بالقادم ..”

هذه الخطوة التي لا بد ان تلاقي استحسانا ربما لم يقدم عليها قبلا أي أحد نظرا للخجل الذي يعتري العائلة عند رسوب ابنها لكن السيدة نهاية كسرت القاعدة وأرست درسا في التعامل مع الأطفال الراسبين لما لذلك من ايجابيات تعود على الصحة النفسية والمعنوية للطالب فهل سيتعظ بعض الأهل ويأخذوا خطوة للتقرب من أولادهم؟؟