ثقافة وفن ومنوعات >ثقافة وفن ومنوعات
ابنة فيروز تهاجم “نشاز” حفل “ليلة أمل”.. وإليسّا تردّ: “موتوا بغيظكم”
ابنة فيروز تهاجم “نشاز” حفل “ليلة أمل”.. وإليسّا تردّ: “موتوا بغيظكم” ‎الجمعة 27 05 2022 21:45
ابنة فيروز تهاجم “نشاز” حفل “ليلة أمل”.. وإليسّا تردّ: “موتوا بغيظكم”

جنوبيات

انتقدت المخرجة ريما الرحباني، إبنة السيدة فيروز، حفل “ليلة أمل”، الذي نظمه الفنان أسامة الرحباني، والذي شارك فيه عدد من الفنانين والفنانات، من بينهم الفنانة اللبنانية هبة طوجي، وإليسا، حيث كان هناك إطلالة مشتركة لافتة للفنانتين.

الا أن إطلالة اليسا، لاقت إنتقادات واسعة على مواقع التواصل الإجتماعي، حيث اعتبر البعض أن مشاركتها لا ترقى لمستوى “مسرح الرحابنة”، والبعض الآخر اعتبر أن غناءها لفيروز كان دون المستوى.

كما غنّت إليسا مع طوجي أغنية “حنا السكران”، واخطأت في الكلمات قائلة: “يبقى حنا السكران قاعد خلف الدكان عم يزبط بنت الجيران”، وفي الأغنية الأصلية “يغني وتحزن بنت الجيران”.

ورداً على خطأ إليسا، هاجمت ريما عاصي الرحباني إبنة الفنانة فيروز، “نشاز” إليسا، مستغربةً كيف يحق له (أي لأسامة) أن يشوّه إرث آل الرحباني وأن يأذن للفنانين أن يغنّوا أغاني فيروز.

وكتبت ريما في منشور لها على حسابها على فيسبوك: “يعني بيكون الواحد عايش بأمان الله ومرتاح وناسي الله اللي خلقن بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي إسمو متل الحلم او متل الكابوس هيك شي!”.

وقالت: ” فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول!. اللي رح قولو ما ح يكون طويل لأن مانو محرز أعطيه أكتر من كلمتين نضاف من وقتي ومن حجمو! ويمكن تتفاجاؤوا باللي رح قولو!”.

وتابعت: “الحق مش ع إليسا، واليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع، ومعتقد حاله، بيحق له يتصرّف ويأذن للفنانين يغنوا أغاني فيروز، ومعتقد يحق لّه يشوّه يبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني! فإعتقد الطبل إنه هو كمان عبقري ووريث، ويريد يعيد نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين”.

وأردفت: “بس معليش.. إلا ما يصير في دولة وحبوسة فهيدا الموضوع ما رح فوت فيه هلق! المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلتو مينيموم يعلّم الفنان أصول اللفظ واللحن والأداء والكلاااااااااااام والكلام!.. مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين!.. واللي بدّو يعمل تحيّة ولو كذّابيّة لعمّو أقلّه يحترملو ألحانو ويحترم ورثتو.. خاصة اذا كان عارف ومأكّد إنّو الورثة ما بيريدوا هالأغاني بالذات تنعاد (ورثة الياس) واذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة!”.

وأضافت: “عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ ومصدّق حالو، ونازل فيهن بهدلة إنّو هوي يابا شي كتير مهم وعبقري، وديكتاتور ومُتطلّب وقاسي ومش سهل الرضى أبداً، كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت… كل شاردة وواردة بدّو يكون راضي عنّا… وما بيعجبو العجب! والله العظيم تحط نفسك في مواقف بايخااا، ف هاي ما كانت تحيّة هاي كانت إهانة لأعمال عاصي ومنصور والياس وبس بزيادة هلّق! أخيراً أخيراً أخيراً في عاصي الرحباني واحد ما في غيرو ولبعد ألف سنة ما بيجي غيرو!
عرفت كيف؟ شد طلوع شد طلوع اوعى ما تزمّر ع الكوع”.

وبالتزامن مع هجوم ريما، كتبت اليسا على حسابها على موقع “تويتر” قائلة: “موتوا بغيظكم! والشاطر يفهم”.

ورأى البعض أن كلام إليسا هو رد غير مباشر على كلام ريما والمنتقدين.

المصدر : الجريدة