إنّها قصّة طريفة من حكايا النساء لبعضهنّ البعض، وخصوصًا الجارة لجارتها، وما تحملها من نهفات منها المضحك ومنها المبكي، ومنها المضحك المبكي كما حصل مع الستّ أمّ سليم، وهي تروي قصّتها لجارتها أمّ كريم. 

تقول أمّ سليم:
فايقة اليوم بكّير وعم إشرب قهوتي ومسرغسة. وعم جهّز حالي كرمال إطلع من البيت وإشتري شويّة غراض. وفجأة قرّب عليّي زوجي وقلّي: حبيبتي إنتي منين جايبة هالحلاوة؟!
قمت خجلت وتلبّكت وخدودي صارو حمر وارتسمت ع شفافي "بسمة عرمرميّة"، وقلتلّو بكلّ ثقة: هالحلاوة ربّانيّة يا حبيبي.
قام زوجي استغرب وقلّي: كيف يعني ربّانيّة؟! 
وكمّل كلامو : عن جدّ علبة الحلاوة اللي بالمطبخ كثير طيّبة. وابتسم وقلّي: "الله يوفّقك لا تجيبي غير منها". وحمل حالو وراح ع الشغل.
وأنا إلي ساعتين عم حاول لملم أشلاء كرامتي المبعثرة اللي صارت بالأرض.
فالله يخلّيكي يا جارة، حطّيلي غنيّة حزينة! ولاّ قلّك متل ما بقولوا بالمصري: غطّوني وصوَّتوا...
يقول أحد الحكماء: السعادة هي هذا الشعور العجيب الذي يستولي عليك عندما تكون كثير الأعمال، بحيث لا تجد فراغًا تشعر فيه بالتعاسة.