هل تعلم بأن لبنان هو البلد الثاني بعد سويسرا في صناعة السّاعات وهي صناعة عريقة جدًّا في لبنان

 وإليكم بعض أنواع السّاعات اللبنانيّة بإمتياز :
الساعة السودة : هي السّاعة اللي بتتعرف فيها على حدا بيخربلك عيشتك 
ساعة النّحس : هي يلّي بتكون فيها بمكان وزمان غير مناسبين
 ساعة باطلة ومحوّلة، ساعة قرف  ساعة مسخّمة، ساعة جنان، والسّاعة اللي ولدتك أمك فيها .
ساعة السّاعة وهي غير ربّك ما بيعرفها !
ولسّا في ساعة صفا، وساعة الغفلة، وساعة بتقدم، وساعة بتأخّر، وساعة لتروح وساعة لتجي.
وساعة الك وساعة لربك..
وساعة البسط ﻻ تفوّتا..
والاخطر ساعة جهنّم ولات ساعة مندم..
و....هيديك السّاعة اللي شفنا فيها الذل والهوان وانكسار بلدنا الحزين لبنان. 

وأخيرًا وليس آخرا : في السّاعة يلّي بعض الناس بيوقعوا فيها !

ولسّا في كلّ ساعة وإلها ملائكتها ..
وساعة بقرب الحبيب..
وفي ساعة المي، وساعة الكهربا، وساعة الغاز ، وساعة السوق السودا!

إن شاء الله ما نكون نقّصنا ولا ساعة ..

يسعدلي ساعاتكن كلها...